U Mahilovie mužčyna pradaŭ čužy mapied, jaki stajaŭ na parkoŭcy
U Mahilovie mužčyna pradaŭ čužy mapied, jaki byŭ pakinuty na parkoŭcy kala doma. Uładalnik mapieda zaŭsiody staviŭ jaho na adno i toje ž miesca, ale adnaho razu jaho tam nie znajšoŭ.
Paśla taho, jak haspadar transpartnaha srodku źviarnuŭsia ŭ milicyju, akazałasia, što mapied pradadzieny čałaviekam, jaki da vałodańnia im nie mieŭ nijakaha dačynieńnia.
43-hadovy biespracoŭny mahiloviec, pabačyŭšy mapied na parkoŭcy, patelefanavaŭ siabru i prapanavaŭ pradać jamu jaho pa nizkaj canie. Pry hetym zapeŭniŭ, što mapied naležyć jamu, a nizkaja cana tamu, što jon zhubiŭ ad jaho klučy.
Kupiec prapanovaj zacikaviŭsia: pryjechaŭ, pahladzieŭ, zapłaciŭ i zabraŭ Honda Dio sabie. Adnak nieŭzabavaje da jaho pryjechali siłaviki.
Pa fakcie kradziažu zaviali kryminalnuju spravu.
Čytajcie taksama:
Biełarus skraŭ dzieviać pyłasosaŭ sa składa ŭ Rasii, a zatym pryvioz ich u milicyju