Ціханоўскі расказаў, як агідна, калі людзі ў камеры вымушаныя самазадавольвацца на вачах у іншых людзей

«Звычайна гэта адбываецца ўвечары, 10-я гадзіна вечара адбой, і чуеш: пачынаецца рух, сапенне», — успамінае Сяргей Ціханоўскі ў інтэрв’ю Мікіту Мелказёраву ў праграме «Жыццё-маліна».

Сяргей Ціханоўскі. Скрыншот з відэа з канала «Жыццё-маліна»

«Cамае страшнае — вось я нідзе яшчэ не казаў, у Дастаеўскага ёсць такая фраза — што самае лютае катаванне ў катаржным жыцці, гэта во гэтае «вымушанае сужыццё». То-бок, калі ты з іншымі людзьмі — ён [Дастаеўскі] у бараках быў на катарзе, а мы ж во знаходзіліся, я то зусім крышку, а вось людзі іншыя, у камеры, напрыклад, [на] 10—12 чалавек.

Вось я адразу быў: 11 чалавек на Валадарцы. Маленькі пакой у 2, ды ў 3, у 4 разы меншы за гэтую студыю, дзе мы зараз запісваемся [і] 11 чалавек, нары двухпавярховыя, унітаз, дзірка ў падлозе. Яны ўсе ходзяць у туалет, па-вялікаму, па-маленькаму, пастаянна кураць. Я не куру, усё гэта ў дыме, столь нізкая. Гэта ж замак стары — Валадарка, так? Кашмар!.. Смярдзіць!..

І яшчэ некаторыя там самі сябе задавальняюць зняволеныя.

— У сэнсе, нават нікуды не хаваюцца? — перапытаў Мікіта Мелказёраў.

— Ну, а куды ён пойдзе?.. Звычайна гэта адбываецца вечарам, 10 гадзін вечара адбой, і чуеш: пачынаецца рух, сапенне. У мяне на другім паверсе нары былі, то я хоць іх не бачыў. А хто на першым, там яны могуць побач убачыць таварыша. Ну, проста чувак ляжыць, а побач чувак, так?.. Так, так. І гэта пастаянна адбываецца. Пастаянна».

Пры гэтым бервушы забароненыя, адзначыў Ціханоўскі.

«Бервушы забароненыя. Чамусьці забароненыя. Я ўжо там сам майстраваў, але пачало нешта з вушамі, нейкія ў мяне пачаліся праблемы ад гэтых бервушаў. І ў выніку потым, калі ў вобшуку, яны ў мяне забіралі гэтыя самаробныя бервушы. Тыпу гэта нельга, і самаробныя таксама нельга. У ШІЗА знаходзілі, казалі, мы табе будзем тэрмін працягваць, не ляпі тут нічога больш. Я ўжо паперкі, туалетныя паперы [закладваў у вушы], але гэта не тое. Ад іх нейкі і гук з'яўляецца дадатковы», — расказаў ён пра фізіялагічныя выклікі знаходжання ў калоніі.

У турме ў Ціханоўскага часам цякла кроў з носа і рота. Яму рабілі нейкія ўколы (блогер не ведае, што гэта было), таму што ў яго з'явіліся чырвоныя плямы на целе. Больш пра перажытае ім можна прачытаць тут.

Каментары да артыкула