Прапагандыстам удалося сарваць вечарыну памяці Ларысы Геніюш у Мінску
У мінскай галерэі «Парасон» на вуліцы Дразда 8 ліпеня мелася адбыцца вечарына, прысвечаная беларускай паэтцы Ларысе Геніюш. Пра яе жыццёвы і творчы шлях меўся расказаць паэт і даследчык літаратуры Міхась Скобла. Аднак гэтыя намеры не засталіся па-за ўвагай праўладных прапагандыстаў, піша «Еўрарадыё».
Ларыса Геніюш
На намер правядзення вечарыны ў сваіх тэлеграм-каналах абрынуліся такія ключавыя прапагандысты, як Рыгор Азаронак, Людміла Гладкая, Вадзім Гігін, Вольга Бондарава ды іншыя.
Праз нейкі час Азаронак з задавальненнем канстатаваў, што абвестка пра вечарыну знікла.
Ларыса Геніюш (1910—1983) — беларуская паэтка, мемуарыстка і грамадская дзяячка, якая ўсё жыццё прысвяціла служэнню Беларусі. Яна была сакратаром урада БНР у эміграцыі, змагалася за правы беларусаў і захаванне нацыянальнай самасвядомасці. За гэта пасля Другой сусветнай вайны яна была арыштаваная ў Празе, асуджаная і правяла 8 гадоў у савецкім лагеры. Нават пасля вызвалення не прыняла савецкага грамадзянства, рэшту жыцця пражыла разам з мужам Янкам Геніюшам на ягонай радзіме ў Зэльве.
Чытайце таксама:
Ларыса Геніюш: чаму яна не зламалася
Кнігі Геніюш, Арсенневай і Някляева трапілі ў спіс экстрэмісцкіх матэрыялаў
Як хавалі Ларысу Геніюш. Архіўныя здымкі
З'явілася фота дэмантажу помніка Геніюш у Зэльве
У гадавіну смерці Ларысы Геніюш Сяргей Дубавец падзяліўся ўспамінамі пра яе