Як у Бабруйску камунальнікі зараблялі на галалёдзе, расказаў Дзяржкантроль
Для пасыпкі дарог там «выкарыстоўвалі» пясок, якога ў прадпрыемства не было.
Падчас праверкі аднаго з камунальных прадпрыемстваў Бабруйска выявілі схему, згодна з якой у дакументах завышалі кошт работ па зімовым утрыманні дарог.
Паводле звестак Камітэта дзяржкантролю, у разлікі па пасыпцы вуліц супрацьгалалёднымі матэрыяламі ўключалі пясок, які насамрэч адсутнічаў на балансе прадпрыемства — ні ў бухгалтарскіх, ні ў складскіх дакументах яго не было.
Прадпрыемства на гэта дадаткова атрымала з бюджэту больш як 210 тысяч рублёў у 2023—2024 гадах. Частка сродкаў ужо вернута ў бюджэт.