Jak u Babrujsku kamunalniki zarablali na hałalodzie, raskazaŭ Dziaržkantrol
Dla pasypki daroh tam «vykarystoŭvali» piasok, jakoha ŭ pradpryjemstva nie było.
Padčas pravierki adnaho z kamunalnych pradpryjemstvaŭ Babrujska vyjavili schiemu, zhodna ź jakoj u dakumientach zavyšali košt rabot pa zimovym utrymańni daroh.
Pavodle źviestak Kamiteta dziaržkantrolu, u raźliki pa pasypcy vulic supraćhałalodnymi materyjałami ŭklučali piasok, jaki nasamreč adsutničaŭ na bałansie pradpryjemstva — ni ŭ buchhałtarskich, ni ŭ składskich dakumientach jaho nie było.
Pradpryjemstva na heta dadatkova atrymała ź biudžetu bolš jak 210 tysiač rubloŭ u 2023—2024 hadach. Častka srodkaŭ užo viernuta ŭ biudžet.