У Ісландыі пачалося 12-е з 2021 года вывяржэнне вулкана
У сераду на паўднёвым захадзе Ісландыі адбылося вывяржэнне вулкана, якое стала апошнім з серыі вывяржэнняў паблізу сталіцы краіны Рэйк’явіка за апошнія гады, паведамляе RUV.
Скрыншот відэа RUV
Вывяржэнне пачалося ўначы на 16 ліпеня на кратэрным хрыбце Сундхнук на паўвостраве Рэйк’янес.
Паводле стану на 1:20 ночы было зафіксавана больш за 130 землятрусаў у кратэрах Сундхнук, гаворыцца ў паведамленні Ісландскага метэаралагічнага ўпраўлення.
Паводле даных упраўлення, даныя свідравін і валаконна-аптычных кабеляў сведчаць пра відавочныя прыкметы вывяржэння магмы.
Ісландыя стала сведкай дзясятка вывяржэнняў пасля таго, як геалагічныя сістэмы на паўвостраве Рэйк’янес аднавілі сваю актыўнасць у 2021 годзе.