U Isłandyi pačałosia 12-je z 2021 hoda vyviaržeńnie vułkana
U sieradu na paŭdniovym zachadzie Isłandyi adbyłosia vyviaržeńnie vułkana, jakoje stała apošnim ź sieryi vyviaržeńniaŭ pablizu stalicy krainy Rejkjavika za apošnija hady, paviedamlaje RUV.
Skrynšot videa RUV
Vyviaržeńnie pačałosia ŭnačy na 16 lipienia na kraternym chrybcie Sundchnuk na paŭvostravie Rejkjanies.
Pavodle stanu na 1:20 nočy było zafiksavana bolš za 130 ziemlatrusaŭ u kraterach Sundchnuk, havorycca ŭ paviedamleńni Isłandskaha mietearałahičnaha ŭpraŭleńnia.
Pavodle danych upraŭleńnia, danyja śvidravin i vałakonna-aptyčnych kabielaŭ śviedčać pra vidavočnyja prykmiety vyviaržeńnia mahmy.
Isłandyja stała śviedkaj dziasiatka vyviaržeńniaŭ paśla taho, jak hieałahičnyja sistemy na paŭvostravie Rejkjanies adnavili svaju aktyŭnaść u 2021 hodzie.