Зніклую васьмігадовую дзяўчынку ў Быхаўскім раёне шукалі 300 чалавек
Здарэнне адбылося ў вёсцы Дунаек удзень у нядзелю. Разам са сваімі бабуляй і дзядулем яна пайшла ў лес, але ў нейкі момант знікла з поля зроку старэйшых сваякоў.
Фота: Міліцыя Магілёўшчыны
Заява аб знікненні паступіла ў Быхаўскі РАУС. У кароткія тэрміны да пошукаў было прыцягнута каля 300 чалавек: як супрацоўнікі крымінальнага вышуку УУС Магілёўскага аблвыканкама, ДАІ, байцы АМАП, вайскоўцы ўнутраных войскаў МУС, МНС, а таксама добраахвотнікі, паведамляе «Міліцыя Магілёшчыны»
На шчасце, гэтым разам гісторыя скончылася добра: дзяўчынка самастойна выйшла з лесу ў суседнюю вёску, дзе яе заўважылі мясцовыя жыхары.