Źnikłuju vaśmihadovuju dziaŭčynku ŭ Bychaŭskim rajonie šukali 300 čałaviek
Zdareńnie adbyłosia ŭ vioscy Dunajek udzień u niadzielu. Razam sa svaimi babulaj i dziadulem jana pajšła ŭ les, ale ŭ niejki momant źnikła z pola zroku starejšych svajakoŭ.
Fota: Milicyja Mahiloŭščyny
Zajava ab źniknieńni pastupiła ŭ Bychaŭski RAUS. U karotkija terminy da pošukaŭ było pryciahnuta kala 300 čałaviek: jak supracoŭniki kryminalnaha vyšuku UUS Mahiloŭskaha abłvykankama, DAI, bajcy AMAP, vajskoŭcy ŭnutranych vojskaŭ MUS, MNS, a taksama dobraachvotniki, paviedamlaje «Milicyja Mahiloščyny»
Na ščaście, hetym razam historyja skončyłasia dobra: dziaŭčynka samastojna vyjšła ź lesu ŭ susiedniuju viosku, dzie jaje zaŭvažyli miascovyja žychary.