Беларуская гандбалістка будзе гуляць за зборную Румыніі
Гандбалістка з Беларусі Марыя Канавал ужо некалькі гадоў выступае ў гэтай краіне, а летам перайшла з клуба «Дунэра» з горада Кэлэрашы ў бухарэсцкі «Рапід». Цяпер жа яна ўпершыню атрымала выклік у нацыянальную каманду Румыніі, піша «Трыбуна».
Марыя Канавал
Былы трэнер зборнай Беларусі Валерый Пяўніцкі ў свой час абвінавачваў гандбалістку ў нежаданні прыязджаць у лагер нацыянальнай каманды і магчымасці змяніць спартовае грамадзянства. Хоць яна гэта аспрэчвала.
28-гадовая беларуская левая паўсярэдняя Марыя Канавал некалькі гадоў гуляе ў Румыніі, а летась стала вядома, што яна падала дакументы на атрыманне грамадзянства.
Цяпер Канавал можа згуляць на чэмпіянаце свету-2025 у Германіі і Нідэрландах. На яго групавым этапе румынкі сустрэнуцца з харваткамі, датчанкамі і японкамі. Чэмпіянат будзе праходзіць з 26 лістапада па 14 снежня.
Чытайце таксама:
Міжнародная федэрацыя гандбола папрасіла вярнуць у «нашу гандбольную сям'ю» беларусаў і расіян
Сябар маладосці Лукашэнкі застаўся кіраўніком федэрацыі гандбола. Ён кіруе з 2006 года