Biełaruskaja handbalistka budzie hulać za zbornuju Rumynii
Handbalistka ź Biełarusi Maryja Kanavał užo niekalki hadoŭ vystupaje ŭ hetaj krainie, a letam pierajšła z kłuba «Dunera» z horada Kełerašy ŭ bucharescki «Rapid». Ciapier ža jana ŭpieršyniu atrymała vyklik u nacyjanalnuju kamandu Rumynii, piša «Trybuna».
Maryja Kanavał
Były trenier zbornaj Biełarusi Valeryj Piaŭnicki ŭ svoj čas abvinavačvaŭ handbalistku ŭ niežadańni pryjazdžać u łahier nacyjanalnaj kamandy i mahčymaści źmianić spartovaje hramadzianstva. Choć jana heta asprečvała.
28-hadovaja biełaruskaja levaja paŭsiaredniaja Maryja Kanavał niekalki hadoŭ hulaje ŭ Rumynii, a letaś stała viadoma, što jana padała dakumienty na atrymańnie hramadzianstva.
Ciapier Kanavał moža zhulać na čempijanacie śvietu-2025 u Hiermanii i Niderłandach. Na jaho hrupavym etapie rumynki sustrenucca z charvatkami, datčankami i japonkami. Čempijanat budzie prachodzić z 26 listapada pa 14 śniežnia.
Čytajcie taksama:
Mižnarodnaja fiederacyja handboła paprasiła viarnuć u «našu handbolnuju siamju» biełarusaŭ i rasijan
Siabar maładości Łukašenki zastaŭsia kiraŭnikom fiederacyi handboła. Jon kiruje z 2006 hoda