На Валыні разбіўся французскі знішчальнік Mirage
Пра аварыю французскага самалёта паведаміла прэс-служба Паветраных сіл Украіны.
«Увечары 22 ліпеня 2025 года, падчас выканання палётнага задання на знішчальніку Mirage-2000, адбылася адмова авіяцыйнай тэхнікі, пра што пілот далажыў кіраўніку палётаў.
Далей ён дзейнічаў пісьменна, як мае быць у крызісных сітуацыях, і паспяхова катапультаваўся.
Пошукава-выратавальная каманда знайшла лётчыка, стан стабільны. На зямлі — без пацярпелых.
Прызначаная спецыяльная камісія, для ўстанаўлення прычын авіяцыйнага здарэння».
Тры самалёты Mirage-2000 Францыя перадала Украіне ў лютым гэтага года. Гэта самалёты 1980-х гадоў, якія ў 2000-х прайшлі мадэрнізацыю.
Чытайце таксама:
У небе над Кіевам упершыню з 2022 года з'явіўся цывільны транспартны самалёт
Нідэрланды адправяць свае знішчальнікі, каб ахоўваць шляхі вайсковай дапамогі Украіне