Na Vałyni raźbiŭsia francuzski źniščalnik Mirage
Pra avaryju francuzskaha samalota paviedamiła pres-słužba Pavietranych sił Ukrainy.
«Uviečary 22 lipienia 2025 hoda, padčas vykanańnia palotnaha zadańnia na źniščalniku Mirage-2000, adbyłasia admova avijacyjnaj techniki, pra što piłot dałažyŭ kiraŭniku palotaŭ.
Dalej jon dziejničaŭ piśmienna, jak maje być u kryzisnych situacyjach, i paśpiachova katapultavaŭsia.
Pošukava-vyratavalnaja kamanda znajšła lotčyka, stan stabilny. Na ziamli — biez paciarpiełych.
Pryznačanaja śpiecyjalnaja kamisija, dla ŭstanaŭleńnia pryčyn avijacyjnaha zdareńnia».
Try samaloty Mirage-2000 Francyja pieradała Ukrainie ŭ lutym hetaha hoda. Heta samaloty 1980-ch hadoŭ, jakija ŭ 2000-ch prajšli madernizacyju.
Čytajcie taksama:
U niebie nad Kijevam upieršyniu z 2022 hoda źjaviŭsia cyvilny transpartny samalot
Niderłandy adpraviać svaje źniščalniki, kab achoŭvać šlachi vajskovaj dapamohi Ukrainie