Купалаўскі тэатр прапаноўвае новую паслугу: цяпер там можна пабрацца шлюбам

Відэа з такой цырымоніі з’явілася ў інстаграме Купалаўскага тэатра. Колькі каштуе?

«Гэта ўнікальная магчымасць пачаць гісторыю сваёй сям’і ў сценах найстарэйшага тэатра краіны. У стварэнні святочнай атмасферы вам паспрыяюць прыгожы інтэр’ер, артысты і музычнае суправаджэнне аркестра Купалаўскага тэатра», — пазначана ў паведамленні.

Фота: kupalauski.by

Каб сыграць вяселле, у адным з пакояў тэатра паставілі дэкаратыўную арку, якую задрапіравалі белай тканінай і ўпрыгожылі лямпачкамі, усюды расставілі кветкавыя кампазіцыі. Для гасцей падрыхтавалі некалькі дзясяткаў крэслаў. Святочна-тэатральную атмасферу стваралі акцёры ў шляхетных касцюмах і аркестр тэатра.

@minskoblastnovosti5 Купаловский театр предлагает новую услугу — шикарнейшая церемония бракосочетания! И сколько это стоит? #минск #минсксейчас #купаловскийтеатр #беларусьновости #новостибеларуси ♬ Oblivion NPC - Brandon

На відэа, апублікаваным у інстаграме тэатра, можна пачуць, што ўрачыстую цырымонію праводзяць на рускай мове. Жаніх паказаў стылізаванае пад даўніну пасведчанне аб шлюбе — у ім таксама ўсё надрукавана па-руску.

«Нашай Ніве» стала вядома, колькі ж каштуе пабрацца шлюбам у Купалаўскім тэатры. За тэатралізаваную цырымонію трэба заплаціць ад 1000 да 1500 рублёў.

Каментары да артыкула