«Сяджу і разумею, што нічога не разумею». Расійская актрыса, запрошаная ў Купалаўскі тэатр, расказала пра беларускамоўны рэпертуар
Расійская актрыса, запрошаная ў 2022 годзе замест звольненых купалаўцаў, узгадала, як упершыню глядзела «Паўлінку».
Расійская актрыса Ганна Мешчаракова распавяла выданню «Мінск-Навіны», як прыехала ў Мінск, не ведаючы беларускай мовы.
— Першым спектаклем была «Паўлінка». Сяджу і разумею, што нічога не разумею… А наперадзе праца над «Рамэа і Джульетай»… Супакойвала сябе: пройдзе час і буду пра гэта ўспамінаць з усмешкай, настройвала сябе, што прайду выпрабаванне і спраўлюся. І калі пераадолела мяжу, падумала: гэта мая асабістая перамога. Я не проста зазубрыла словы, я нясу эмоцыі. Неверагодныя адчуванні! Гэта велізарны крок наперад, — сказала Мешчаракова.
У 2020 годзе большая частка трупы звольнілася з Купалаўскага на знак пратэсту супраць фальсіфікацыі выбараў і гвалту сілавікоў. Каб аднавіць працу тэатра адміністрацыі прыйшлося запрашаць новых акцёраў з Расіі, бо неабходнай колькасці акцёраў у беларускіх тэатрах не знайшлося — у іншых тэатрах краіны таксама прайшлі масавыя звальненні праз пратэсты.
-
Занадта паспяховая для правалу. Як імперыя Тэйлар Свіфт зрабіла яе настолькі маштабнай фігурай, каб яна змагла пацярпець паразу
-
Фестываль беларускага сучаснага відэамастацтва пройдзе ў Беластоку
-
У Польшчу вярнуліся палотны з магнацкіх калекцый, вывезеныя ў час вайны. Сярод іх і копіі нясвіжскіх партрэтаў Радзівілаў
Цяпер чытаюць
Мінгандлю выпадкова зліла дакумент, у якім паказала, як і за што налічвае прэміі2
Каментары