Мужчына разбіў відэакамеру ў пад'ездзе, надзеўшы для маскіроўкі трусы на галаву
У Мінску 45-гадовы мужчына з мікрараёна «Велазавод» разбіў камеру відэаназірання на пад'ездзе, пры гэтым выкарыстаў даволі незвычайную «маскіроўку».
Скрыншот з відэа
Хоць чалавек быў п’яны, але ўсё ж разумеў, што робіць нешта супрацьпраўнае, таму надзеў на галаву ніжнюю бялізну, абматаў рукі ручніком, а на ногі павязаў поліэтыленавыя пакеты.
З першай спробы да камеры ён не дацягнуўся, таму вярнуўся дадому па табурэтку. Пасля таго, узброіўшыся малатком, мужчына ўсё ж пашкодзіў абсталяванне.
Прадстаўнікі дзяржаўнага прадпрыемства, якому належала камера, звярнуліся ў міліцыю. Там хутка высветлілі, хто стаіць за здарэннем. Высветлілася, што гэты чалавек ужо і раней прыцягваўся да адміністрацыйнай адказнасці.
Цяпер супраць яго завялі крымінальную справу.
Чытайце таксама:
У Магілёўскім раёне мужчына наўмысна раскідаў на дарозе цвікі і самарэзы
У Брэсце п'яная жанчына пагражала пасажырам грамадскага транспарту нажом
У Мінску затрымалі пенсіянера, які чыніў самасуд над кіроўцамі