Рубіа: Трамп «траціць цярпенне» праз тое, што размовы з Пуціным не прыводзяць да завяршэння вайны
Дзяржсакратар ЗША Марка Рубіа ў інтэрв'ю Fox News сказаў, што Дональд Трамп засяроджаны на міры ва Украіне, але «траціць цярпенне» праз тое, што размовы з Уладзімірам Пуціным не прыводзяць да дзеянняў Расіі, якія маглі б спыніць вайну.
Марка Рубіа. Скрыншот з відэа: Fox News
Рубіа думае, што Трампа ўсё больш раздражняе тое, што кантакты і тэлефонныя размовы з Пуціным ні да чаго не прыводзяць.
«Ён траціць цярпенне, траціць гатоўнасць працягваць чакаць, пакуль расійскі бок зробіць нешта, каб пакласці канец гэтай вайне», — сказаў дзяржсакратар.
Ён дадаў, што Трамп не збіраецца «трапіць у пастку бясконцых размоў пра перамовы».