Rubia: Tramp «tracić ciarpieńnie» praz toje, što razmovy z Pucinym nie pryvodziać da zaviaršeńnia vajny
Dziaržsakratar ZŠA Marka Rubia ŭ intervju Fox News skazaŭ, što Donald Tramp zasiarodžany na miry va Ukrainie, ale «tracić ciarpieńnie» praz toje, što razmovy z Uładzimiram Pucinym nie pryvodziać da dziejańniaŭ Rasii, jakija mahli b spynić vajnu.
Marka Rubia. Skrynšot ź videa: Fox News
Rubia dumaje, što Trampa ŭsio bolš razdražniaje toje, što kantakty i telefonnyja razmovy z Pucinym ni da čaho nie pryvodziać.
«Jon tracić ciarpieńnie, tracić hatoŭnaść praciahvać čakać, pakul rasijski bok zrobić niešta, kab pakłaści kaniec hetaj vajnie», — skazaŭ dziaržsakratar.
Jon dadaŭ, što Tramp nie źbirajecca «trapić u pastku biaskoncych razmoŭ pra pieramovy».