Другі энергаблок БелАЭС уключаны ў сетку
Зараз блок працуе на намінальнай магутнасці.
«Другі энергаблок Беларускай атамнай электрастанцыі ўключаны ў сетку пасля завяршэння тэхналагічных аперацый па аднаўленні працы сістэмы астуджэння генератара. Зараз блок працуе на намінальнай магутнасці», — паведаміла Мінэнерга.
Гэты блок адключалі ад сеткі 16 ліпеня пасля спрацоўвання сігналізацыі.
У Міністэрстве энергетыкі паведамлялі тады, што сітуацыя з’яўляецца штатнай і не нясе пагрозы бяспецы. Узровень радыяцыі на станцыі і ў навакольнай зоне не змяніўся, а падача электраэнергіі спажыўцам не перапынялася.