Druhi enierhabłok BiełAES uklučany ŭ sietku
Zaraz błok pracuje na naminalnaj mahutnaści.
«Druhi enierhabłok Biełaruskaj atamnaj elektrastancyi ŭklučany ŭ sietku paśla zaviaršeńnia technałahičnych apieracyj pa adnaŭleńni pracy sistemy astudžeńnia hienieratara. Zaraz błok pracuje na naminalnaj mahutnaści», — paviedamiła Minenierha.
Hety błok adklučali ad sietki 16 lipienia paśla spracoŭvańnia sihnalizacyi.
U Ministerstvie enierhietyki paviedamlali tady, što situacyja źjaŭlajecca štatnaj i nie niasie pahrozy biaśpiecy. Uzrovień radyjacyi na stancyi i ŭ navakolnaj zonie nie źmianiŭsia, a padača elektraenierhii spažyŭcam nie pierapyniałasia.