У ДТЗ пад Варшавай загінуў беларус
Увечары 27 ліпеня ў Мазавецкім ваяводстве Польшчы адбыўся дарожны інцыдэнт са смяротным вынікам. 49-гадовы грамадзянін Беларусі пераходзіў дарогу ў недазволеным месцы на аўтамагістралі DK7 (дарога на Гданьск) каля вёскі Ломна-Ляс у Чоснаўскай гміне, паведамляе warszawa.naszemiasto.pl.
Фота: Komenda Powiatowa PSP w Nowym Dworze Mazowieckim
Беларуса збілі адразу два аўтамабілі маркі Peugeot, якія рухаліся з высокай хуткасцю. Удар быў настолькі моцны, што мужчына загінуў на месцы. Нягледзячы на аператыўнае прыбыццё ратавальнікаў, медыкаў і паліцыі, выратаваць яго не ўдалося.
Пасля аварыі дарога ў бок Гданьска была заблакаваная на некалькі гадзін. Паводле інфармацыі паліцыі, мужчына сам парушыў правілы дарожнага руху, пераходзячы трасу ў недазволеным месцы.
Чытайце таксама:
У Польшчы адбылося ДТЗ з аўтобусам, поўным беларусаў
Беларусу, які збіў на аўтамабілі ў Польшчы маці і дачку, пагражае да 20 гадоў турмы
У польскі суд накіравалі справу беларуса, абвінавачанага ў ДТЗ з шасцю пацярпелымі