Трамп: Калі Іран зноў пачне ядзерную праграму, мы яго хутка знішчым
Падчас візіту ў Шатландыю прэзідэнт ЗША Дональд Трамп заявіў, што калі Іран адновіць сваю ядзерную праграму, рэакцыя ЗША будзе жорсткай і неадкладнай.
Дональд Трамп. Фота: Joe Raedle / Getty Images
Паводле слоў прэзідэнта ЗША, амерыканская армія гатовая зноў нанесці ўдары па іранскіх ядзерных аб’ектах.
«Калі Іран зноў пачне ядзерную праграму, мы хутка яго знішчым. Іран пасылае непрыемныя сігналы», — заявіў Дональд Трамп.
У той жа час еменскія хусіты, якія лічацца сілай, залежнай ад Ірана, абвясцілі пачатак чацвёртай фазы «марской блакады» супраць Ізраіля. Яны заявілі, што будуць атакаваць усе караблі, што супрацоўнічаюць з ізраільскімі портамі, незалежна ад краіны, пад сцягам якой яны ідуць.
Гэтая пагроза закранае гандлёвае суднаходства ў Чырвоным моры, Адэнскім заліве і Аравійскім моры — стратэгічна важных маршрутах для сусветнай лагістыкі, у тым ліку паставак нафты, газу і іншых тавараў.
Чытайце таксама:
Трамп сказаў, што расчараваны ў Пуціне і скарачае тэрмін ультыматуму
Пяскоў: Трамп і Пуцін могуць сустрэцца ў Кітаі, калі «апынуцца ў адным горадзе»