Tramp: Kali Iran znoŭ pačnie jadziernuju prahramu, my jaho chutka źniščym

Padčas vizitu ŭ Šatłandyju prezident ZŠA Donald Tramp zajaviŭ, što kali Iran adnović svaju jadziernuju prahramu, reakcyja ZŠA budzie žorstkaj i nieadkładnaj.

Donald Tramp. Fota: Joe Raedle / Getty Images

Pavodle słoŭ prezidenta ZŠA, amierykanskaja armija hatovaja znoŭ nanieści ŭdary pa iranskich jadziernych abjektach.

«Kali Iran znoŭ pačnie jadziernuju prahramu, my chutka jaho źniščym. Iran pasyłaje niepryjemnyja sihnały», — zajaviŭ Donald Tramp.

U toj ža čas jemienskija chusity, jakija ličacca siłaj, zaležnaj ad Irana, abviaścili pačatak čaćviortaj fazy «marskoj błakady» suprać Izraila. Jany zajavili, što buduć atakavać usie karabli, što supracoŭničajuć ź izrailskimi portami, niezaležna ad krainy, pad ściaham jakoj jany iduć.

Hetaja pahroza zakranaje handlovaje sudnachodstva ŭ Čyrvonym mory, Adenskim zalivie i Aravijskim mory — stratehična važnych maršrutach dla suśvietnaj łahistyki, u tym liku pastavak nafty, hazu i inšych tavaraŭ.

Kamientary da artykuła