Сілавікі заклікаюць людзей слаць ім інфармацыю ў чат-бот
Як паведамляецца, у спецыяльны чат-бот МУС «кожны ахвотны зможа паведаміць інфармацыю, якая тычыцца грамадскай бяспекі». Ініцыятарам стварэння такога інструмента называюць міністра ўнутраных спраў Івана Кубракова.
Здымак ілюстрацыйны. Фота: LookByMedia
«Беларусы стаміліся ад тых, хто грэбуе літарай Закона і агульнапрынятымі нормамі маралі. Колькасць зваротаў грамадзян у органы ўнутраных спраў сведчыць пра імкненне людзей зрабіць жыццё ў краіне яшчэ больш бяспечным. Таму яны гатовыя аказваць дапамогу і садзейнічанне міліцыі», — упэўненыя сілавікі.
Цяпер для гэтага чат-бота распрацоўваецца «новы сучасны і зручны для ўсіх катэгорый грамадзян функцыянал праграмы». У яго можна дасылаць паведамленні ў тэкставым выглядзе, а таксама фота ці відэа, і сілавікі нават нібыта гарантуюць канфідэнцыяльнасць.
Чытайце таксама:
Міліцыя абвяргае інфармацыю пра затрыманне людзей на месцы падзення дрона ў Мінску
Гомельскія міліцыянеры выпадкова дадалі «экстрэміста» ў свой унутраны чат — што ён там убачыў
Міліцыянеры стралялі ў нагу вяскоўцу, які ішоў на іх з нажом