Siłaviki zaklikajuć ludziej słać im infarmacyju ŭ čat-bot
Jak paviedamlajecca, u śpiecyjalny čat-bot MUS «kožny achvotny zmoža paviedamić infarmacyju, jakaja tyčycca hramadskaj biaśpieki». Inicyjataram stvareńnia takoha instrumienta nazyvajuć ministra ŭnutranych spraŭ Ivana Kubrakova.
Zdymak ilustracyjny. Fota: LookByMedia
«Biełarusy stamilisia ad tych, chto hrebuje litaraj Zakona i ahulnapryniatymi normami marali. Kolkaść zvarotaŭ hramadzian u orhany ŭnutranych spraŭ śviedčyć pra imknieńnie ludziej zrabić žyćcio ŭ krainie jašče bolš biaśpiečnym. Tamu jany hatovyja akazvać dapamohu i sadziejničańnie milicyi», — upeŭnienyja siłaviki.
Ciapier dla hetaha čat-bota raspracoŭvajecca «novy sučasny i zručny dla ŭsich katehoryj hramadzian funkcyjanał prahramy». U jaho možna dasyłać paviedamleńni ŭ tekstavym vyhladzie, a taksama fota ci videa, i siłaviki navat nibyta harantujuć kanfidencyjalnaść.
Čytajcie taksama:
Milicyja abviarhaje infarmacyju pra zatrymańnie ludziej na miescy padzieńnia drona ŭ Minsku
Homielskija milicyjaniery vypadkova dadali «ekstremista» ŭ svoj unutrany čat — što jon tam ubačyŭ
Milicyjaniery stralali ŭ nahu viaskoŭcu, jaki išoŭ na ich z nažom