Пасля сённяшняй залевы затапіла Салігорск ВІДЭА
31 ліпеня на Салігорск абрынулася моцная залева, якая прывяла да значных падтапленняў у горадзе. Як паведамілі ў МНС, былі затопленыя вуліцы, крамы, бальніца, спартыўна-забаўляльны комплекс і падвалы жылых дамоў.
Скрыншот з відэа
Работнікі МНС праводзяць работы па ліквідацыі наступстваў непагадзі. На апублікаваным відэа відаць, як ратавальнікі па калені ў вадзе на вуліцах і па пояс у падвалах адпампоўваюць ваду.
Асабліва пацярпелі цэнтральная раённая бальніца, а таксама спартыўна-забаўляльны комплекс і дзве прадуктовыя крамы на праспекце Міру.
Чытайце таксама:
Сіноптыкі спрагназавалі на сёння моцныя дажджы
У Гарадоцкім раёне залевай размыла дарогу
У Баранавічах падчас залевы паплыла па вуліцы скульптура чыгуначніка ВІДЭА