У Баранавічах падчас залевы паплыла па вуліцы скульптура чыгуначніка ВІДЭА
У Баранавічах падчас залевы сарвала і панясло фігуру чыгуначніка з нядаўна адкрытай экспазіцыі, прысвечанай прысваенню гэтаму райцэнтру звання «горада працоўнай славы».
На відэа, апублікаваным у тыктоку, бачна, як фігура на драўляным паддоне плыве па затопленай вуліцы сярод аўтамабіляў.
Яна рухалася ў бок Паўднёвага мікрараёна, а потым, адштурхнуўшыся ад аўтамабіля, вярнулася назад — да ЗАГСа, дзе і знаходзіцца арт-інсталяцыя «Горад працоўнай славы. 1941—1945 гады».
Скульптуру хутка вылавілі работнікі ЖКГ.
«Цяпер яна часова стаіць каля «Белтэлекама», але калі надвор’е палепшыцца, вернем яе на месца. Ні гэтая, ні іншыя скульптуры падчас залевы не пацярпелі», — расказаў дырэктар гарадской ЖКГ Дзмітрый Ціхно.
Ён таксама паведаміў, што работнікі прыбіраюць тэрыторыю вакол баранавіцкай стэлы — ліўневая вада размыла кветнікі і знесла дэкаратыўную кару.
«Спачатку нашы службы ліквідуюць самыя сур’ёзныя наступствы стыхіі, а пасля зоймуцца меншымі праблемамі. Цяпер усе камунальныя службы горада працуюць толькі над наступствамі ўрагану», — паведаміў Ціхно.
«Горад працоўнай славы 1941—1945». У Баранавічах адкрылі манумент з дзіўнай назвай
Пад Мінскам учора бачылі смерч
Учора ў Жлобіне і Маладзечне выпала траціна месячнай нормы ападкаў
«Вада з другога паверха топіць першы і трапляе ў ліфты». Адзін з дамоў у «Мінск-Свеце» зноў паплыў
Віленскую кнігарню з беларускімі кнігамі ў Зарэччы затапіла падчас залевы
Цяпер чытаюць
Памілаваныя 15 чалавек, сярод якіх 13 палітвязняў2
Каментары