Шасцігадовы сын галкіпера «Баварыі» памёр пасля працяглай хваробы
Брамнік нямецкай «Баварыі» Свен Ульрайх паведаміў пра смерць сына.
Свен Ульрайх. Фота: яго інстаграм
«З глыбокім смуткам мы хочам паведаміць сёння, у пятніцу, што наш сын Лен памёр некалькі тыдняў таму пасля працяглай цяжкай хваробы.
Прыняць рашэнне зрабіць гэта публічным цяпер — неверагодна цяжка для нас, аднак гэта важны крок для нас як сям’і, каб праясніць сітуацыю для тых, хто вакол, і для грамадскасці.
Разам з нашай дачкой мы зараз спрабуем крок за крокам вярнуцца да жыцця. Асаблівая падзяка нашым сем’ям, сябрам і футбольнаму клубу «Баварыя» за іх далікатнасць і вялізную падтрымку на працягу апошніх месяцаў — гэта вельмі шмат для нас значыць.
Мы просім грамадскасць і прадстаўнікоў СМІ быць уважлівымі і паважаць нашу прыватную прастору. Просім вас устрымацца ад далейшых запытаў і каментароў. Ліза і Свен», — напісаў Ульрайх у сацыяльнай сетцы.
Якая была хвароба Лена, не ўдакладняецца.