Šaścihadovy syn hałkipiera «Bavaryi» pamior paśla praciahłaj chvaroby
Bramnik niamieckaj «Bavaryi» Śvien Ulrajch paviedamiŭ pra śmierć syna.
Śvien Ulrajch. Fota: jaho instahram
«Z hłybokim smutkam my chočam paviedamić siońnia, u piatnicu, što naš syn Len pamior niekalki tydniaŭ tamu paśla praciahłaj ciažkaj chvaroby.
Pryniać rašeńnie zrabić heta publičnym ciapier — nievierahodna ciažka dla nas, adnak heta važny krok dla nas jak siamji, kab prajaśnić situacyju dla tych, chto vakoł, i dla hramadskaści.
Razam z našaj dačkoj my zaraz sprabujem krok za krokam viarnucca da žyćcia. Asablivaja padziaka našym siemjam, siabram i futbolnamu kłubu «Bavaryja» za ich dalikatnaść i vializnuju padtrymku na praciahu apošnich miesiacaŭ — heta vielmi šmat dla nas značyć.
My prosim hramadskaść i pradstaŭnikoŭ ŚMI być uvažlivymi i pavažać našu pryvatnuju prastoru. Prosim vas ustrymacca ad dalejšych zapytaŭ i kamientaroŭ. Liza i Śvien», — napisaŭ Ulrajch u sacyjalnaj sietcy.
Jakaja była chvaroba Lena, nie ŭdakładniajecca.