Пасол Украіны абвергнуў звесткі пра падрыхтоўку візіту Эрдагана
Турэцкае выданне Turkiye Gazetesi раней паведаміла, што прэзідэнт Турцыі ў найбліжэйшыя дні прыбудзе ў Кіеў па запрашэнні Уладзіміра Зяленскага, аднак пасол Украіны ў Турцыі Нарыман Джэлял кажа, што гэтая інфармацыя не адпавядае рэчаіснасці.
Фота: Turkish Presidency/Murat Cetinmuhurdar / Handout/Anadolu via Getty Images
Як паведаміла Turkiye Gazetesi, Джэлял абвясціў, што Эрдаган неўзабаве наведае Кіеў, і адной з найважнейшых тэм перамоваў будзе ратыфікацыя пагаднення аб вольным гандлі. Паводле звестак выдання, лідары абмяркуюць намаганні Турцыі па мірным урэгуляванні.
У каментары «Украінскай праўдзе» Джэлял паведаміў, што інфармацыя не адпавядае рэчаіснасці.
«Выданне, мякка кажучы, сказіла інфармацыю. Звярніце ўвагу — яны не даюць спасылкі на тое, дзе я такое казаў, яны не даюць маю цытату, проста кажуць, што я нібыта гэта заявіў», — сказаў Джэлял.