Pasoł Ukrainy abvierhnuŭ źviestki pra padrychtoŭku vizitu Erdahana
Tureckaje vydańnie Turkiye Gazetesi raniej paviedamiła, što prezident Turcyi ŭ najbližejšyja dni prybudzie ŭ Kijeŭ pa zaprašeńni Uładzimira Zialenskaha, adnak pasoł Ukrainy ŭ Turcyi Naryman Dželał kaža, što hetaja infarmacyja nie adpaviadaje rečaisnaści.
Fota: Turkish Presidency/Murat Cetinmuhurdar / Handout/Anadolu via Getty Images
Jak paviedamiła Turkiye Gazetesi, Dželał abviaściŭ, što Erdahan nieŭzabavie naviedaje Kijeŭ, i adnoj z najvažniejšych tem pieramovaŭ budzie ratyfikacyja pahadnieńnia ab volnym handli. Pavodle źviestak vydańnia, lidary abmiarkujuć namahańni Turcyi pa mirnym urehulavańni.
U kamientary «Ukrainskaj praŭdzie» Dželał paviedamiŭ, što infarmacyja nie adpaviadaje rečaisnaści.
«Vydańnie, miakka kažučy, skaziła infarmacyju. Źviarnicie ŭvahu — jany nie dajuć spasyłki na toje, dzie ja takoje kazaŭ, jany nie dajuć maju cytatu, prosta kažuć, što ja nibyta heta zajaviŭ», — skazaŭ Dželał.