Таджык спрабаваў вылецець з Беларусі па пашпарце брата
2 жніўня днём у Нацыянальным аэрапорце Мінск іншаземец паспрабаваў перасекчы беларускую мяжу з пашпартам свайго брата, паведамляе Дзяржаўны памежны камітэт.
Скрыншот з відэа
Мужчына паказаў пашпарт грамадзяніна Таджыкістана, але памежнікі западозрылі нешта нядобрае. Падчас праверкі высветлілася, што дакумент належыць не яму.
Як аказалася, затрыманы — таксама з Таджыкістана. Ён хацеў паляцець ва Узбекістан, а адтуль — дадому, да бацькоў. Сцвярджае, што згубіў свой пашпарт, таму вырашыў узяць дакумент у брата, каб перасячы мяжу.
Цяпер мужчына затрыманы. Адносна яго распачаты адміністрацыйны працэс за спробу незаконнага перасячэння мяжы. Мужчыну пагражае буйны штраф — 100 базавых велічынь, а таксама крымінальная адказнасць за выкарыстанне падробленага дакумента.
Чытайце таксама:
Прасцей злятаць у Азію: беларуска распавяла, як дабіралася з Гродна ў Беласток
Мужчына надрукаваў расійскі пашпарт на друкарцы і паспрабаваў адляцець з Мінска ў Стамбул
«Віза не прызначаная для турызму». Беларуса дэпартавалі з Польшчы за «нямэтавую» паездку ў Чэхію
«Вітаем на радзіме». Беларус распавёў пра затрыманне на мяжы за лайк і сапсаваны адпачынак