У Лідзе з-за санкцый некалькі месяцаў не рамантуюцца стужкі-канвееры каля касаў
У Лідзе ў гіпермаркеце «Родны кут» на вуліцы Тухачэўскага ўжо некалькі месяцаў не працуюць стужкі на касах. Пакупнікі і прадаўцы скардзяцца, што гэта стварае нязручнасці: усе тавары даводзіцца падштурхоўваць уручную, піша «Лідская газета».
Дырэктарка Лідскага філіяла Гродзенскага аблспажыўтаварыства Крысціна Вадзейка растлумачыла, што абсталяванне — імпартнай вытворчасці, таму і ўзніклі цяжкасці з заменай камплектуючых. Пастаўшчык пакуль не можа даставіць патрэбныя дэталі ў Беларусь.
Пытанне, як сцвярджаецца, застаецца на кантролі кіраўніцтва спажыўкааперацыі.
Чытайце таксама:
Восем краін далучыліся да апошняга пакета санкцый ЕС супраць Мінска
Ціханоўская: Нельга дапусціць, каб з Беларусі знялі санкцыі без вызвалення палітвязняў
У абноўлены санкцыйны спіс трапіў шэраг тавараў бытавой хіміі. Што нельга будзе ўвозіць?