Ціханоўская: Нельга дапусціць, каб з Беларусі знялі санкцыі без вызвалення палітвязняў
Святлана Ціханоўская лічыць, што Аляксандр Лукашэнка можа паспрабаваць выкарыстаць будучыя перамовы паміж прэзідэнтам ЗША Дональдам Трампам і прэзідэнтам Расіі Уладзімірам Пуціным, каб павялічыць свой палітычны ўплыў. На яе думку, дзеля гэтага ён можа пайсці, напрыклад, на вызваленне палітзняволеных або змякчэнне рэпрэсій, піша «Позірк».
Ціханоўская падкрэсліла, што ў працэсе гэтых перамоваў важна не забыць пра Беларусь. Калі будзе абмяркоўвацца пытанне зняцця санкцый з Расіі, неабходна не дапусціць аўтаматычнага зняцця санкцый і з Беларусі без дадатковых умоў для рэжыму Лукашэнкі.
«Напрыклад, калі будзе ўздымацца пытанне зняцця санкцый з Расіі, каб з Беларусі санкцыі не знялі цягнічком. Наша задача — паказаць Беларусь як самастойную справу, а не апендыкс да Расіі, і адстойваць свае правы. Важна выцягнуць з гэтых перамоў як мага больш, хаця б у пытанні вызвалення палітвязняў».
Святлана Ціханоўская расказала, што беларускія дэмсілы рэгулярна каардынуюць свае дзеянні з амерыканскімі партнёрамі і перадаюць ім свае пазіцыі.
Што да магчымых перамоў з Лукашэнкам, то яна нагадала, што дэмсілы прапаноўваюць дыялог з 2020 года, але рэжым разумее яго па-іншаму: калі для дэмакратаў гэта дыялог з народам дзеля мірнага транзіту ўлады, то для ўлады — кантакты з іншаземцамі без удзелу беларусаў.
Тым не менш, Ціханоўская лічыць, што прапанова пра дыялог можа стаць актуальнай у любы момант, а таму важна быць гатовымі да перамоў і «круглага стала».
Цяпер чытаюць
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х77
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х7
Сумленне, каханне, колы пекла і галівудскі фінал. У сям’і будаўніка і бібліятэкаркі з Пружанскага раёна Ігара і Юліі Лаптановічаў арыштавалі спачатку яго, пасля — яе, а пасля і бабулю33
Каментары
А як здымаць - то з тут ужо у іх "Беларусь не апендыкс да Расіі", а "самастойная справа", " і таму "неабходна не дапусціць аўтаматычнага зняцця санкцый і з Беларусі".
Пасадзіў Лукашэнка палітвязняў - "трэба ўвесці санкцыі".
Пачаў Лукашэнка выпускаць палітвязняў (300 чалавек выпусціў) - "трэба ўвесці санкцыі".
Дапамагае Лукашэнка Пуціну ў вайне - "трэба ўвесці санкцыі".
Скончылася вайна - "трэба ўвесці санкцыі".
Знялі з Расеі санкцыі - на Беларусь "трэба ўвесці санкцыі".