Мінабароны назвала мэту беларуска-расійскіх вучэнняў «Захад-2025»
Сумесныя беларуска-расійскія вучэнні «Захад-2025» пройдуць з 12 па 16 верасня.
Ілюстрацыйнае фота Мінабароны
Іх мэта — праверка магчымасцей саюзнікаў па гарантаванні бяспекі і іх гатоўнасці да адбіцця агрэсіі. Пра гэта на брыфінгу заявіў начальнік Дэпартамента міжнароднага ваеннага супрацоўніцтва — памочнік міністра абароны Валерый Равенка.
Равенка таксама назваў тэму вучэння: «Прымяненне груповак войскаў (сіл) у інтарэсах забеспячэння ваеннай бяспекі Саюзнай дзяржавы».
«Агульная мэта — праверка магчымасцей Рэспублікі Беларусь і Расійскай Федэрацыі па забеспячэнні ваеннай бяспекі Саюзнай дзяржавы, гатоўнасці да адбіцця магчымай агрэсіі», — патлумачыў ён.