Minabarony nazvała metu biełaruska-rasijskich vučeńniaŭ «Zachad-2025»
Sumiesnyja biełaruska-rasijskija vučeńni «Zachad-2025» projduć z 12 pa 16 vieraśnia.
Ilustracyjnaje fota Minabarony
Ich meta — pravierka mahčymaściej sajuźnikaŭ pa harantavańni biaśpieki i ich hatoŭnaści da adbićcia ahresii. Pra heta na bryfinhu zajaviŭ načalnik Departamienta mižnarodnaha vajennaha supracoŭnictva — pamočnik ministra abarony Valeryj Ravienka.
Ravienka taksama nazvaŭ temu vučeńnia: «Prymianieńnie hrupovak vojskaŭ (sił) u intaresach zabieśpiačeńnia vajennaj biaśpieki Sajuznaj dziaržavy».
«Ahulnaja meta — pravierka mahčymaściej Respubliki Biełaruś i Rasijskaj Fiederacyi pa zabieśpiačeńni vajennaj biaśpieki Sajuznaj dziaržavy, hatoŭnaści da adbićcia mahčymaj ahresii», — patłumačyŭ jon.