«Толькі ў Беларусі такое магчыма». Мужчына ў Z-майцы танчыць на плошчы пад украінскую песню ВІДЭА
У тыктоку з'явілася відэа з фестывалю «Мотальскія прысмакі» ў Іванаўскім раёне, на якім натоўп танчыць пад украінскую песню «Червона рута».
Скрыншот з відэа
Сярод танцораў вылучацца мужчына ў белай майцы з вялікай чорнай літарай Z.
«Ну, толькі ў Беларусі гэта магчыма. Чалавек з Z на майцы, танцуе пад украінскую песню, сярод беларусаў», — каментуе відэа аўтар роліка, суправаджаючы напісанае трыма стыкерамі з дзяржаўнымі чырвона-зялёнымі сцяжкамі.
У каментарах думкі падзяліліся — адным такая сітуацыя падабаецца, другія тое, што адбываецца, асуджаюць. Трэція ж жартуюць: «Якую баба дала, такую і надзеў дзед».