Беларусбанк расказаў, які тэлефонны нумар заўсёды махлярскі

Беларусбанк папярэдзіў, што любы званок у месенджарах з нумара 147 заўсёды робяць махляры.

Ашуканцы часта прадстаўляюцца супрацоўнікамі банка або сілавых структур і спрабуюць запалохаць чалавека, напрыклад, паведамляючы, што на ягонае імя аформлены крэдыт або што ён нібыта пералічвае грошы «экстрэмістам».

Пасля гэтага размову пераводзяць у месенджары, дзе спрабуюць выманіць асабістыя даныя карты. Далей махляры могуць стварыць токен — лічбавы аналаг карты — і здымаць грошы ў банкаматах.

У прэс-службе банка падкрэслілі, што сапраўдныя супрацоўнікі ніколі не патрабуюць:

• рэквізіты картак;
• коды з SMS-паведамленняў;
• PIN-коды;
• ставіць дадатковыя праграмы на тэлефон.

Беларусам раяць атрымліваць усю неабходную інфармацыю толькі праз афіцыйны нумар банка 147 (ён для таго, каб на яго званіць самім, а не атрымліваць званкі) або непасрэдна ў аддзяленнях. Гэта дапаможа засцерагчыся ад махлярства.

Каментары да артыкула