СК пачаў спецвытворчасць супраць каманды «Сумленных людзей»
Чатырох удзельнікаў ініцыятывы «Сумленныя людзі» абвінавачваюць па некалькі артыкулах КК, у тым ліку аб удзеле ў «экстрэмісцкім фарміраванні» і дыскрэдытацыі Беларусі. Пра гэта паведаміў Следчы камітэт.
Алена Жываглод. Фота Паўла Крычко
Спецвытворчасць пачалі супраць актывіcтаў «Сумленных людзей» Алены Жываглод, Зарыны Сарокінай, Алега Давыдчыка і Цімафея Малахоўскага. Усе яны цяпер знаходзяцца за мяжой, таму іх справа будзе разглядацца завочна.
Іх абвінавачваюць па наступных артыкулах КК:
- частка 1 арт.361-1 — стварэнне «экстрэмісцкага фарміравання»
- частка 2 арт. 368 — публічная абраза Лукашэнкі
- частка 3 арт.130 — распальванне варожасці
- частка 1 і 2 арт.367 (у рэдакцыі ад 26.05.2021 №112-З) — паклёп у дачыненні да Лукашэнкі
- частка 1 арт.368 (у рэдакцыі ад 26.05.2021 №112-З) — абраза Лукашэнкі
- арт.369-1 — дыскрэдытацыя Беларусі
- частка 3 арт 361 — заклікі да дзеянняў, скіраваных на прычыненне шкоды нацыянальнай бяспецы Беларусі