SK pačaŭ śpiecvytvorčaść suprać kamandy «Sumlennych ludziej»
Čatyroch udzielnikaŭ inicyjatyvy «Sumlennyja ludzi» abvinavačvajuć pa niekalki artykułach KK, u tym liku ab udziele ŭ «ekstremisckim farmiravańni» i dyskredytacyi Biełarusi. Pra heta paviedamiŭ Śledčy kamitet.
Alena Žyvahłod. Fota Paŭła Kryčko
Śpiecvytvorčaść pačali suprać aktyvictaŭ «Sumlennych ludziej» Aleny Žyvahłod, Zaryny Sarokinaj, Aleha Davydčyka i Cimafieja Małachoŭskaha. Usie jany ciapier znachodziacca za miažoj, tamu ich sprava budzie razhladacca zavočna.
Ich abvinavačvajuć pa nastupnych artykułach KK:
- častka 1 art.361-1 — stvareńnie «ekstremisckaha farmiravańnia»
- častka 2 art. 368 — publičnaja abraza Łukašenki
- častka 3 art.130 — raspalvańnie varožaści
- častka 1 i 2 art.367 (u redakcyi ad 26.05.2021 №112-Z) — paklop u dačynieńni da Łukašenki
- častka 1 art.368 (u redakcyi ad 26.05.2021 №112-Z) — abraza Łukašenki
- art.369-1 — dyskredytacyja Biełarusi
- častka 3 art 361 — zakliki da dziejańniaŭ, skiravanych na pryčynieńnie škody nacyjanalnaj biaśpiecy Biełarusi