Лучніца Карына Казлоўская выступіць на чэмпіянаце свету за зборную Польшчы
Былая беларуская лучніца Карына Казлоўская, якая ў 2022 годзе пакінула краіну з палітычных прычын, цяпер выступае за зборную Польшчы. Спартсменка ў лютым атрымала польскае грамадзянства і ўжо рыхтуецца да галоўных стартаў сэзону — чэмпіянату Польшчы ў канцы жніўня і чэмпіянату свету ў верасні ў Паўднёвай Карэі. Пра гэта яна сама паведаміла ў інстаграме.
Карына Казлоўская. Фота: kazlouskaya.karyna / Instagram
Карына Казлоўская — шматразовая чэмпіёнка Беларусі, у складзе зборнай Беларусі заняла 4-е месца на Алімпіядзе ў Токіа. У 2020 годзе яна падпісала адкрыты ліст за сумленныя выбары, а пасля падзей у краіне і пачатку вайны ва Украіне вырашыла з’ехаць.
Пачатак яе кар’еры ў Польшчы быў няпросты: яна судзілася з трэнерам клуба «Лучнік» у Жыўцы праз канфлікт і дыскрымінацыю, але выйграла справу.
Цяпер лучніца адзначае, што праблемы засталіся ў мінулым, і яна сканцэнтравана на падрыхтоўцы да сусветнага першынства ўжо ў складзе польскай зборнай.
Чытайце таксама:
Беларуска з польскім пашпартам выйграла чэмпіянат Польшчы па стральбе з лука
Яшчэ адна спартсменка з Беларусі атрымала польскае грамадзянства
Экс-трэнер беларускай лучніцы: Карына мусіла трэніравацца 40 гадзінаў на тыдзень