З 1 верасня падаражэюць дзве маркі цыгарэт
Міністэрства падаткаў і збораў апублікавала інфармацыю пра максімальныя рознічныя цэны на цыгарэты з фільтрам, якія пачнуць дзейнічаць з 1 верасня 2025 года.
У адпаведнасці з гэтай інфармацыяй, у Беларусі з названай даты павінна вырасці цана толькі дзвюх марак. Гэта Dove Click Purple Moon і Dove Click Tropical Sun. Абедзве падаражэюць толькі на 10 капеек, з 4,10 да 4,20 рубля.
Цэны на тытунёвыя вырабы, што вырабляюцца ТАА «Тытунь-Інвест», ТАА «Інтэр табака», ТАА «Сентоні ПРО», ЗТАА «Алідзі-Вест», а таксама ўвозяцца дзяржпрадпрыемствам «Беларусьгандаль» і ТАА «Сентоні ПРО», не зменяцца.
Акрамя таго, з апублікаванай інфармацыі вынікае, што тытунёвая фабрыка «Нёман» пачне вырабляць новую для сябе марку — RB Perliamutr Azure, коштам 4,25 рубля.
Чытайце таксама:
У Коўне затрымалі ўдзельнікаў падпольнага завода па вырабе цыгарэт. Сярод іх — беларусы
Курэнне вэйпу можа выклікаць карыес
Польскія мытнікі знайшлі беларускія цыгарэты ў кантэйнерах з Кітая