Мінздароўя абнавіла спіс лекаў, якія прадаюцца без рэцэпту

У Беларусі абнавілі спіс лекаў, якія можна прадаваць без рэцэпту доктара. У спіс уключылі лекі, зарэгістраваныя з 2023 года з магчымасцю продажу без рэцэпту, а таксама прыбралі тыя, у якіх скончылася рэгістрацыя, паведамляе Мінздароўя.

Фота ілюстрацыйнае

Цяпер спіс дапоўнены лекамі, якія раней прадаваліся толькі па рэцэпце. Гэта ў асноўным лекі, якія часта выкарыстоўваюць пажылыя людзі з хранічнымі захворваннямі. Каб не трэба было ісці да ўрача толькі дзеля рэцэпту, у спіс дадалі:

• камбінацыю «Разувастацін/лізінапрыл/амладыпін» у капсулах;
• камбінацыю «Дэксаметазон/неаміцын/поліміксін В сульфат» — кроплі для вачэй і вушэй;
• «Пітавастацін» у таблетках;
• «Халіна альфасцэрат» — раствор для прыёму ўнутр;
• «Брымапідын» — кроплі для вачэй;
• «Асельтамівір» — парашок для прыгатавання суспензіі.

У той жа час са спісу выключылі лекі «Ампіцылін» у таблетках.

Каментары да артыкула