Колькасць загінулых у Кіеве праз расійскую атаку дасягнула 25 чалавек
Колькасць загінулых у Кіеве з-за камбінаванай ракетна-дронавай атакі Расіі ў ноч на 28 жніўня ўзрасла да 25 чалавек, паведаміў прэзідэнт Украіны Уладзімір Зяленскі ўвечары 29 жніўня.
Адна з расійскіх ракет трапіла ў пяціпавярховы жылы дом
«Па стане на гэты час вядома пра 25 загінулых, сярод якіх чацвёра дзяцей, дзясяткі людзей пацярпелі. Абсалютна подлы ўдар, які дэманструе сапраўдныя намеры Пуціна — працягваць забойствы, а не рабіць крокі да міру», — напісаў Зяленскі ў тэлеграм-канале.
Раней было вядома пра 23 ахвяры расійскай атакі. Пашкоджанні будынкаў і інфраструктуры зафіксаваныя ў 33 мясцовасцях Кіева.
Чытайце таксама:
У ЗША і Германіі канстатавалі, што перамоў паміж Расіяй і Украінай найбліжэйшым часам не будзе
Фон дэр Ляен выступіла з экстраннай заявай з нагоды расійскай атакі на Кіеў: рыхтуюцца новыя санкцыі
Пасол ЕС напісала, што яна думае пра Расію пасля ўдару па Кіеве, які зачапіў місію Еўрасаюза