Kolkaść zahinułych u Kijevie praz rasijskuju ataku dasiahnuła 25 čałaviek
Kolkaść zahinułych u Kijevie z-za kambinavanaj rakietna-dronavaj ataki Rasii ŭ noč na 28 žniŭnia ŭzrasła da 25 čałaviek, paviedamiŭ prezident Ukrainy Uładzimir Zialenski ŭviečary 29 žniŭnia.
Adna z rasijskich rakiet trapiła ŭ piacipaviarchovy žyły dom
«Pa stanie na hety čas viadoma pra 25 zahinułych, siarod jakich čaćviora dziaciej, dziasiatki ludziej paciarpieli. Absalutna podły ŭdar, jaki demanstruje sapraŭdnyja namiery Pucina — praciahvać zabojstvy, a nie rabić kroki da miru», — napisaŭ Zialenski ŭ telehram-kanale.
Raniej było viadoma pra 23 achviary rasijskaj ataki. Paškodžańni budynkaŭ i infrastruktury zafiksavanyja ŭ 33 miascovaściach Kijeva.
Čytajcie taksama:
U ZŠA i Hiermanii kanstatavali, što pieramoŭ pamiž Rasijaj i Ukrainaj najbližejšym časam nie budzie