Цэнтр беларускай салідарнасці ў Польшчы аднавіў бясплатныя кансультацыі

Цэнтр беларускай салідарнасці ў Варшаве паведаміў, што з 1 жніўня аднавіў працу прававога аддзела і зноў дае юрыдычныя кансультацыі.

Запісацца на кансультацыю можна, даслаўшы апісанне сваёй сітуацыі на электронны адрас: cbs.konsultacje@gmail.com. Пасля таго юрыст прапануе дзень і час. Кансультацыі адбываюцца анлайн.

Цэнтр беларускай салідарнасці дапамагае не толькі па пытаннях легалізацыі ў Польшчы, але і ў сферы сямейнага, крымінальнага і гаспадарчага права.

Сямейнае права (адвакатка і медыятарка Яана Скарыцка):

• заключэнне і скасаванне шлюбу;
• абарона інтарэсаў дзяцей (аліменты, кантакт з дзіцём, бацькоўскія правы і іх абмежаванні);
• доступ да сацыяльнай дапамогі з боку дзяржавы;
• падтрымка ў крызісных сітуацыях (выкраданне дзіцяці, працэдура «Блакітнай карты» і іншае).

Крымінальнае і гаспадарчае права (адвакат Сяргей Скарыцкі):

• супрацьдзеянне дыскрымінацыі і ксенафобіі;
• паведамленне праваахоўных органаў пра злачынствы;
• абарона ад хатняга гвалту;
• правы пацярпелых і магчымасць атрымання дзяржаўнага адваката;
• наступствы судзімасці для замежнікаў і замежніц у Польшчы,
• вырашэнне маёмасных і гаспадарчых спрэчак.

Таксама спецыялісты Цэнтра беларускай салідарнасці могуць кансультаваць і па іншых прававых пытаннях.

Каментары да артыкула