Ад «шыкоўнага гатэля» да адной прыбіральні на паверх. У якіх інтэрнатах сёлета жывуць студэнты ВІДЭА

Беларускія студэнты дзеляцца ўражаннямі ад інтэрнатаў, куды іх засялілі перад навучальным годам. Сабралі некалькі расповедаў.

Фота: darixami / TikTok

БДУ

@_nadinegorova_ Обзор на общежитие номер 4 БГУ. Студенческая деревня на Петровщине. #рек #бгу #студдеревня #общежитие #4 ♬ Mörka Skogar - Drömland

Супрацоўніца інтэрната №4 БДУ, што на Пятроўшчыне, паказала ў тыктоку, якія там умовы. Блок у гэтым інтэрнаце складаецца з двух пакояў — на два і чатыры ложкі адпаведна. Ёсць і кухня з прыбіральняй і душавой.

У каментарах пазналі шпалеры — маўляў, такія былі ў інтэрнаце яшчэ ў 2019-м, калі падчас Еўрапейскіх гульняў там жылі замежныя спартоўцы.

Іншы інтэрнат БДУ, што пад нумарам 6, выглядае больш сціпла:

@is.gender

обзор внутри N6 общежитие БГУ

♬ оригинальный звук - просто Искандер

У роліку з гэтага інтэрната дэманструюць пакой на тры чалавекі, проста ў пакоі стаіць халадзільнік. У студэнтаў таксама ёсць прыбіральня, душавая і кухня — але мяркуючы па відэа, яны маюць толькі па адным такім памяшканні на паверх.

БДУЗМ

@ksyhaab #общага #бгуия ♬ оригинальный звук - RUSRADIO

Новаспечаная студэнтка былога Лінгвістычнага ўніверсітэта паказала ў сваім роліку адзін з пакояў тамтэйшага інтэрната. Абсталяванне ў пакоі падобнае да іншых інтэрнатаў — тры ложкі, пісьмовы стол і шафы. Усё выглядае новым, у дадатак дзяўчаты атрымалі файны від з акна.

БДУКМ

@darixami #бгуки #общага #общежитиебгуки ♬ Originalton - greywiese

Невялічкі ролік з інтэрната запісала і студэнтка Універсітэта культуры і мастацтваў. У відэа трапіў двухпавярховы ложак, шафа і яркія сцены, пафарбаваныя ў жоўты і блакітны колеры. Заўважна, што рамонт у інтэрнаце даўно не рабілі.

Аўтарка відэа робіць аптымістычную выснову: «Няважна, якія сцены, галоўнае, што ў цэнтры Мінска».

БДЭУ

@d.sharikhina БГЭУ кормит:)#общага#бгэу#minsk#переезд #fypシ゚ ♬ оригинальный звук - RUSRADIO

У інтэрнаце БДЭУ №1 можна атрымаць у карыстанне вялікі пакой усяго на двух чалавек. Яшчэ адзін плюс — тое, што гэта інтэрнат блочнага тыпу, то-бок душавая, кухня і прыбіральня ёсць проста ў блоку, а не недзе на калідоры.

БДПУ 

@wellwt.n Не 8, но тоже хорошо #поступление #бгпу #общага #рекомендации ♬ оригинальный звук - RUSRADIO

Некаторыя студэнты Педагагічнага ўніверсітэта сёлета будуць жыць у інтэрнаце №5, гэта інтэрнат блочнага тыпу. У кадр студэнткі трапіў пакой з двума ложкамі. Бачна, што не ўся мэбля ў пакоі новая, але пры гэтым памяшканне выглядае чыстым, а мэбля ў добрым стане.

«Нават прыгожыя шпалеры ёсць», — захапляецца адна з каментатарак.

БДУФК

@barashshka #общага #бгуфк #recommendations ♬ оригинальный звук - RUSRADIO

Студэнтам Універсітэта фізічнай культуры прапанавалі інтэрнат, ад якога каментатары ў захапленні — маўляў, «шыкоўны гатэль»! 

У відэа з інтэрната бачны блок з двух пакояў: у адным з іх тры ложкі, у другім — два. Таксама ёсць душавая, прыбіральня і кухня, мэбля і тэхніка выглядаюць чыстымі і новымі, а ў якасці бонусу студэнты атрымліваюць шыкоўны від з акна. У каментарах толькі наракаюць, што на вокнах няма фіранак, але аўтар відэа супакойвае — іх хутка абяцаюць выдаць.

БДТУ

@asssyua наконец-то общага человеческая#общага #бгту #петровщина #23этаж #вшикарномотеле ♬ оригинальный звук - RUSRADIO

Студэнтка БДТУ параўноўвае свой інтэрнат, што на Пятроўшчыне, з шыкоўным гатэлем. Дзяўчына атрымала месца ў блоку, дзе, мяркуючы па ўсім, два жылыя пакоі, але паказвае толькі адзін з іх — верагодна, той, у якім жыве. Гэта пакой на два чалавекі, так што ўмовам дзяўчыны пазайздросцяць шмат студэнтаў.

Дзяўчына ўдакладняе ў каментарах, што насамрэч гэты інтэрнат належыць БДЭУ, але яе ўніверсітэт арандуе ў наргаса пяць паверхаў будынка — і аўтарцы роліка дасталася месца на адным з іх.

Каментары да артыкула