Хлопец з Бабруйска даў нырца ў Бярэзіну і загінуў
У Бабруйску трагічна загінуў 19-гадовы хлопец, які атрымаў смяротную траўму падчас купання. Як паведамілі ў Дзяржаўным камітэце судовых экспертыз, выпадак адбыўся летам на Бярэзіне ў месцы, дзе купацца было забаронена.
Хлопец адпачываў разам з сябрам і вырашыў ныраць у ваду з абрыву. Пасля скачка ён усплыў без прытомнасці. Сябар вынес яго на бераг, а выкліканая хуткая дапамога спрабавала правесці рэанімацыю, але выратаваць пацярпелага не ўдалося — ён памёр на месцы.
Судова-медыцынская экспертыза засведчыла, што прыкмет утаплення ў загінулага не знойдзена. Затое ўстаноўленыя цяжкія траўмы: кровазліццё ў мозг, пераломы шыйных і грудных пазванкоў з пашкоджаннем спіннога мозгу. Лекары адзначылі, што менавіта спінальны шок пасля пашкоджання хрыбетніка стаў прычынай смерці хлопца.
Таксама эксперты зафіксавалі, што ў крыві загінулага было 1,8 праміле алкаголю, што сведчыць пра моцнае ап’яненне на момант інцыдэнту.
Чытайце таксама:
У Стаўбцоўскім раёне патануў малады хлопец
У Мінску за суткі два чалавекі патанулі ў ванных
У Шчучынскім раёне нецвярозы мужчына палез лавіць ракаў і патануў