Chłopiec z Babrujska daŭ nyrca ŭ Biarezinu i zahinuŭ
U Babrujsku trahična zahinuŭ 19-hadovy chłopiec, jaki atrymaŭ śmiarotnuju traŭmu padčas kupańnia. Jak paviedamili ŭ Dziaržaŭnym kamitecie sudovych ekśpiertyz, vypadak adbyŭsia letam na Biarezinie ŭ miescy, dzie kupacca było zabaroniena.
Chłopiec adpačyvaŭ razam ź siabram i vyrašyŭ nyrać u vadu z abryvu. Paśla skačka jon uspłyŭ biez prytomnaści. Siabar vynies jaho na bierah, a vyklikanaja chutkaja dapamoha sprabavała pravieści reanimacyju, ale vyratavać paciarpiełaha nie ŭdałosia — jon pamior na miescy.
Sudova-miedycynskaja ekśpiertyza zaśviedčyła, što prykmiet utapleńnia ŭ zahinułaha nie znojdziena. Zatoje ŭstanoŭlenyja ciažkija traŭmy: krovaźlićcio ŭ mozh, pierałomy šyjnych i hrudnych pazvankoŭ z paškodžańniem śpinnoha mozhu. Lekary adznačyli, što mienavita śpinalny šok paśla paškodžańnia chrybietnika staŭ pryčynaj śmierci chłopca.
Taksama ekśpierty zafiksavali, što ŭ kryvi zahinułaha było 1,8 pramile ałkaholu, što śviedčyć pra mocnaje apjanieńnie na momant incydentu.
Čytajcie taksama:
U Staŭbcoŭskim rajonie patanuŭ małady chłopiec
U Minsku za sutki dva čałavieki patanuli ŭ vannych
U Ščučynskim rajonie niećviarozy mužčyna palez łavić rakaŭ i patanuŭ