Партугалія таксама прызнала Палесціну
Разам з тым Партугалія настойвае на «неабходнасці барацьбы з усімі формамі антысемітызму».
Фота: P A Thompson / Getty Images
Партугалія афіцыйна прызнала дзяржаву Палесціна. Пра гэта паведаміў міністр замежных спраў Паўлу Ранжэль.
Разам з тым урад Партугаліі таксама пацвярджае «права дзяржавы Ізраіль на існаванне і яго эфектыўныя патрэбы ў бяспецы, а таксама асаблівую дружбу партугальскага і ізраільскага народаў» і асуджае дзеянні ХАМАС, цытуе яго словы тэлеканал SIC Notícias.
Ранжэль падкрэслівае, што захоўваецца патрабаванне «неадкладнага вызвалення ўсіх закладнікаў, перадачы забітых закладнікаў Ізраілю», і настойвае на «неабходнасці барацьбы з усімі формамі антысемітызму».
Раней сёння дзяржаву Палесціну прызналі Вялікабрытанія, Канада і Аўстралія.